Hello, null ! Welcome to DURGESH's World

ఏం బాలల్లారా, ఏం చేస్తున్నారు?! ఒక పక్కన ఎండలు దంచేస్తున్నాయి.. ఇంకో పక్కన పరీక్షలు ముం చుకొస్తున్నాయి. కనుక అటు హైరానా, ఇటు హడావిడీ తప్పవు. కొద్దిరోజులు కష్టపడ్డారంటే ఎంచక్కా వేసవి సెలవులు వచ్చేస్తాయి. అప్పుడిక విశ్రాంతే విశ్రాంతి. సెల వుల్లో ఊరెళ్ళొచ్చు.. ఆటపాటల ఆనందంలో తేలి పోవచ్చు.
సరే, ఇంతకీ పరీక్షలకి ఎలా తయారౌతున్నారు? పరీక్షలనగానే పిల్లలంతా తెగ భయపడిపోతారు, ఆం దోళన చెందుతారు కదూ! అంత అవసరమే లేదు.. హాయిగా, ఆడుతూపాడుతూ వెళ్ళి పరీక్షలు రాసి రావ చ్చు. కంగారుపడకుండా ప్రశాంతంగా వుంటే నేర్చుకున్న దాన్ని మరింత బాగా రాయగల్గుతారు. లోపల లేనిపోని భయాలు, టెన్షన్లు చోటుచేసుకుంటే బాగా తెలిసినదాన్ని కూడా చక్కగా ప్రెజెంట్‌ చేయలేరు. సిలబస్‌లో ఉన్న పోర్షనంతా చదువుకోవడం ఒక ఎత్తయితే, ప్రశ్నా పత్రానికి అనుకూలంగా సమాధానాలు రాయడం మరో ఎత్తు.
సంవత్సరమంతా కష్టపడి చదివినదాన్ని మూడు గంటల పరీక్ష నిర్ధారిస్తుంది. పాసైపోతారా, లేక ఫెయి లౌతారా అనేది అక్కడే తేలిపోతుంది. ఈ నిజమే ఎక్కువ మందిని భయపెట్టేది. కానీ, ఏ పనైనా సరే, సవ్యంగా చేయడం వరకే మన బాధ్యత, ఫలితం మన చేతిలో వుండదనే నిజాన్ని అర్థం చేసుకున్నప్పుడు భయానికి దూరంగా వుంటాం. కనుక, బాగా చదివి, చక్కగా రాయండి.
''స్పర్థయా వర్ధతే విద్యా'' అన్నారు పెద్దలు. అంటే చదువులో పోటీ ఉన్నప్పుడు మరింత అభివృద్ధి వుంటుందన్నమాట. అయితే ఆ పోటీ ఆరోగ్యకరంగా వుండాలి. పరుగు పందెంలో గెలవాలంటే ముందు పరి గెడుతున్నవారిని పడేసి, మనం ముందుకెళ్ళాలను కోవడం సరికాదు. అలా గెలిచినా, అది ఎన్నటికీ విజ యం కాదు. చదువులోనైనా అంతే, మోసంతో కాకుండా నిజాయితీతో ఉన్నతి సాధించాలి. అసలు పోటీ అనేది తోటివారితో కాకుండా మనతో మనం పెట్టుకోవడం మరింత మంచిది. అదెలా అనుకుంటున్నారు కదూ..


సాయి కం టే లెక్కల్లో మా ర్కులెక్కువ తెచ్చు కోవాలి.. సుందర్‌ కంటే మంచి ర్యాంక్‌ రావాలి.. అనుకున్నప్పుడు వత్తిడి పెరుగుతుంది. ఎందుకంటే అంతా ఒకలా వుండరు. ఒక్కో సబ్జెక్ట్‌లో, ఒక్కో అంశంలో ఒక్కొ కరు అధికులుగా వుండొచ్చు. కొందరు చదువు లో కొంచెం వెనకబడినా, ఎక్‌స్ట్రా కరికులర్‌ యాక్టివిటీస్‌ లో పైచేయిగా వుండొచ్చు. మరొకరు మరో దాంట్లో అగ్ర గామిగా వుండొచ్చు. అంటే ఎవరి శక్తి యుక్తులు వారివే. మనం మరొకరిలా చేయలేకపోవచ్చు. ఒక మంచి విష యం చూసి స్ఫూర్తి పొండదంలో, పోల్చి చూసుకుని అలాగో, అంతకంటే బాగానో వుండాలని కోరు కోవడం లో తప్పు లేదు. అది సహజం కూడా. కానీ, అలా వీలు కాని పక్షంలో నిరాశ చెందకుండా మనతో మనమే పోటీ పెట్టుకోవచ్చు. పోయినసారి 70 మార్కు లొచ్చాయను కోండి, ఈసారి ఇంకో 15 మార్కులెక్కువ రావాలని పట్టుబట్టొచ్చు. అప్పుడు అనవసరమైన వత్తి డేమీ వుండదు. ఇంతకుముందు కంటే దస్తూరి ఇంకా మెరుగ్గా వుండాలనుకుని, అందుకోసం ప్రయత్నం చేయొచ్చు.
ఇకపోతే, పరీక్షలకి ఒక ప్రణాళిక రూపొందించు కోండి. స్కూల్లో ఇంగ్లీషు, తెలుగు, సైన్సు ఇలా వరుసగా పీరియడ్స్‌ ఉన్నట్లే సోమవారం నుండి శనివారం వరకూ వరుసగా ఒక్కో సబ్జెక్టు చదివేందుకు టైంటేబుల్‌ రాసు కోండి. ఇక ఆదివారం ఆటవిడుపు. ఆట పాటలతో రిలా క్సయి సాయంత్రం మాత్రం రెండు గంటలపాటు అన్ని పాఠ్యాంశాలూ ఒకసారి తిరగేస్తే సరి పోతుంది. పరీక్షలు దగ్గరపడేవరకూ ఈ పద్ధతి పాటించండి. ఇక రెండ్రో జుల్లో పరీక్షలు మొదలవు తాయనగా మొదటిరోజు ఏ సబ్జక్ట్‌ వుంటే దాన్నే చదవండి. తర్వాతివాటికి ఇదే వర్తి స్తుంది. కొన్ని తరగతులకి వరుసగా రోజూ పరీక్ష వుం డొచ్చు.. మరి కొన్ని తరగతులకు రోజు విడిచి రోజు పరీక్ష వుండొచ్చు. ఎలాఉన్నా ఆందోళన చెందాల్సిన పనే లేదు. అన్ని అంశాలూ చదివి ఉన్నారు గనుక చివర్లో ఒకసారి గుర్తుచేసుకుంటే చాలు. మనం చేస్తోంది చదివింది రాసి రావడమే కదా అని తేలికైన మనసుతో వెళ్ళి ధీమాగా పరీక్షలు రాసిరండి.. మంచి ఫలితం రాకపోతే చూడండి.
ఒక్క విషయం బాగా గుర్తుంచుకోండి.. పద్యాలు లేదా ఆధునిక కవిత్వం ఐనప్పుడు మాత్రమే కంఠస్తం చేయండి. ఇతరత్రా ఎలాంటి సమాధానమైనా సరే ఎన్నడూ బట్టీ పట్టొద్దు. మీకు అర్థమైన విషయాన్ని మీదైన పద్ధతిలో రాయడం మంచి పద్ధతి.